Antes de nada, pois agradecer a todos aqueles que viñeron, a súa presencia, e a sua paciencia na charla que dimos despois, tamén á librería Arenas polo espacio e as condicións inmellorables desta exposición e a David Rubín por presentar esta expo en calidade de presidente da asociación e de colega, e como non, a Sabela Herrero, xa que sen a súa axuda, esta montaxe non sería posible.

Si amigos, este venres tivo lugar a inauguración da exposición de Pinche Mundo, vinte viñetas en total, vinte orixinais, debuxados por Diego Blanco e guionizados por Kike Benlloch. Trala inaugarición os dous autores falaron sobre o periplo desta obra, que se xestou ao longo de varios anos e na que participaron varios autores antes de configurarse o equipo definitivo, e tamén sobre a problemática da autedición desta obra en particular e en Galiza en xeral. Esperamos que vos resultase unha charla amena entre amigos.

Todas as obras están á venda (atoparedes na sala de exposicións a lista de precios). Así que se pasades por Coruña entre o 9 e 22 de Agosto non esquezades pasarvos pola libreria Arenas e botarlle unha ollada á mostra.

 E se non podedes pasarvos xa podedes ver imaxes da exposición na galería de imaxes da web.